mickeyli

今日坐270去南园饮茶，系海幢公园果个站有几个大人带住小朋友上车。好戏上演啦，有个阿妈就打电话给仔啦，“你个老师话你退步晒啊，成绩差啊，点解啊？仲学会顶撞老师啊？”个仔解释咗一阵啦，个阿妈就话啦“个老师话你样衰就由得距话啦，（个老师好直接啊！）都唔知道点解你阿公甘好样，读书又得，你就生到甘样衰，失礼晒你阿公，我老豆啊！搞到我老豆好无面啊，连我都无面啊！”（又有关系咩？）然后个阿妈就话啦“你想靓啊？去扮靓啦，去整容啦，整好个样啦，你读书差咗，我唔会寄钱给你啊，你成绩好，吃咩都可以啊，成绩差，吃屎都无得你吃啊！”（甘吃咩啊？)

开始果阵，我觉得好烦，教仔返屋企教啦，部车又静，个阿妈又讲得大声，仲要广州话唔系好纯正。我以为前面距所讲嘅已经经典啦，但系后面仲激啊！果个阿妈之后越讲越大声，可能个仔反驳啊，距话“你甘样衰啊，个老师话你，你就当听唔到罗，甘你系样衰啊，甘你就关住系屋专心读书啦，你怕以后无女朋友咩，你读得好啊，好似以前甘考返一二名，大个就会有大把靓女抢住嫁给你啊，你使咩担心啊？”（甘靓女系嫁给你个仔定嫁给D书呢？）“我已经同老师沟通过啦，如果呢真系唔听距话，顶撞就照打你啊，不过我叫距除咗个头唔打得之外，其他位置都可以打啊！你唔好用粗口顶撞老师啊！”（体罚啊！）

最后我差唔多系江南西落车，果个阿妈仲话“以后边个叫你打电话给距哋，你就叫距帮你给电话钱啊，一唔系就叫距打给你啊，我无钱帮你充甘多次啊，又唔系我同你讲电话就要我帮你充卡啊？唔好甘蠢啦！好啦，给心机读书啦，考前一二名啊，唔系当初就唔应该读重点班啊，样衰就样衰啦，以后读好书好多靓女嫁你啊，你唔使担心啊！”

听完之后，我都唔知道系好笑定觉得甘教仔法，成材先怪啊！呢个阿妈应该颁个奖给距啊！甘都可以啊，真系失敬晒啊！

我真係好唔妥果个蛋散顾问啊！果日入茶水间见到距，然后距话“你到时培训（陪瞓）耿生啊”，跟住我话“点培训啊”，距话“睇果份精华版嘅见官问题啦！”“我无睇啊”，距讲咗句“点得啊，我以后要对你狠D啊，唔好再好似以前咁对你啊”。呢句说话讲完之后，我觉得你咩身份啊，扑街，识唔识咩叫做尊重啊？使唔使教你做人道理啊？真係扑街憾家产啊！讲完仲要发出魔音穿脑嘅笑声添！无赖啊！

某女人，样貌似鸡泡鱼，声音扮甜美，条裤永远都係掉脚啊！话说距公开自己辞职啦，唔做啦！我同meemee都不知道几开心啊！点知道原来係距甩嘅手段啊！以此作为同老板谈判嘅条件！唉！到咗最后又唔係唔走！无个性啊！阴险啊！狡诈啊！打倒距啊！败类啊！

今日返工，本来系一件好开心嘅事，因为返去等于唔使做嘢甘。但系只要我果个顾问出现咗就唔系甘啦！由于小妹妹我已经给距荼毒咗几日所以今日返到去都唔想理距啊！距一叫我就对翻译，如果唔系叫我嘅话，我系度温故而知新啊（睇小说)!本来相安无事啊，距走过来问我“见唔见果三张分红单啊？”又唔系我分，我点知道啊，加上系阿mee跟嘅我仲更加唔知道啦！问我都运桔啊！后来经过一番对阿mee嘅盘问，“我以为一样所以仍咗垃圾桶啦！”我当时系心里兴奋啊，好嘢，唔使做啊！点知道“有文化”嘅顾问叫我系垃圾桶攞返上来啊，距都痴线啊!当我垃圾婆啊，傻架，扑街啦！我无理距讲嘅去做。但系收工果阵有人收拾垃圾，距居然叫人哋唔好执咗mee果袋垃圾，距有资料系入面啊。跟住就给人话唔卫生啊！都唔知道扮咩呢？

由于实在系文件太多啦，距就话“甘多文件到时候耿生会唔会给个官唔好嘅印象呢？”我无理距，但系心想你当个官系咩啊？甘多时间睇啦。跟住给咗个选择题我，“你想今晚加班一个钟定听日早返一个钟啊？”唔使问家庭观众啦，唔要五十五十啦，肯定两个都唔想架啦，无常识！

9月13日，加班加到9点32分。点解会咁？好简单，我果个蛋散顾问罗。当日，耿生见完律师培训后，我哋就要执资料送去公证，总共有8份公证，其实咁少，肯定唔会夜走啦！但係呢个世界上有样嘢叫做你算不如距算啊！我同mee七点钟左右给距审核，点知道只扑街居然成九点先给我哋，叫我哋去复印。果两个钟，你就算点都睇完啦，又唔係多，全部都得一张纸咁大把。仲叫咗我同阿mee落去帮距买包，仲话请我哋吃。真係多谢唔客气啦！费时受人恩惠啊！所以一句讲晒，我已经对距产生咗一种不知名嘅感觉啦1

轮到讲返果只恶魔G啦，果日有三个客人准备星期日见官，咁过咗来培训（陪瞓），距就叫我打印客人资料给距睇，我攞给距啦，可能受到群众嘅压力，距居然讲咗句“唔该”，余生，唔好惊吓人哋个心啊！我当时都吓咗一惊，心想“扑街，唔使咁好礼貌啊”。然后果三个客人培训完坐咗出来，距哋嘅坐法就真係好似三国鼎立咁啊（加阵咩年代啊？）各坐一方，然后我就真係似接客咁，轮流到距哋嘅范围同距哋执嘢，俗称“坐台”。一日过咗啦，我已经唔知道咩叫累啦，无晒意见啦！

每日返工就好似返来打仗咁！日日冲锋陷阵咁！做细真係唔容易啊！

例子一：有个顾问都做咗好多年，距旗下嘅助理多到好似阿Mani咁啊，（Twins, Joey, Sunboy'z, Yumiko, Nic, Isabella, Kenny等咁多Artists）但係有一样嘢唔同就係人家Mani对班仔仔女女都好关心，距就有钱自己袋，嘢就你哋分来做！咁搞法边有人帮你做啊！係唔係先？所以距D助理就犹如昙花一现咁啦！有嘅就挨罗，终于有出头天，唔使靠距所谓嘅“教育”啦！恭喜距哋走出魔掌啊！

讲吓小妹妹我自己啦。例子二：由于某女子认为自己有助理就可以将所有嘢给晒我做，自己就every minute every second 係度煲粥啦！唔係煲粥就唔见咗人！如果你想给嘢距睇，距就话现在唔好给我睇啦，你自己搞掂啦，到时候一次过给啦！（距咁讲係表面上可以悭咗时间，但实际上咪仲辛苦！咁大个人都唔识捻嘅!） 

琴晚我同小mee同墁李生一起坐车，晚晚架204都好逼，无办法啦，高峰时间！逼就逼啦，就算企车顶都要企啦，因为无车！话说我哋三个终于都上咗架车啦，一起企係门口位，咁原来仲有个中国籍佬婆，年约三十岁啦，长头发，扮可爱（穿住件红色衫，之后过咗两个站我同李生都可以向后行啦，但係小mee就给果个佬婆快速档住个位阻住咗，咁无法啦，唯有叫小mee下一个站过来啦！后来我见有空位就拉住小mee过来（原来果个佬婆係想逼过来，点知道给我挡住，心里肯定忿忿不平啦，仲一直用距嘅鸡眼beer住我哋，就係咁埋下咗距报仇嘅复线啦！）。

终于我见到后面嘅企位有空啦，就叫李生行上去做开路先锋啦，我同小mee就做护法啦，点知道果个无文化佬婆兼蛋散八婆居然推我老公行上去，然后我老公仲向后问我“你做咩推我啊？咁逼！”我好愕然咁唔知道点答距，跟住个佬婆就话“快行啦，阻住晒”然后距就推开我老公就坐低咗个空位置度啦！我当时第一个反应就同我老公讲“我都无推你，係人哋推你啊！”And then，我发觉只八婆无文化想坐位都唔使推人啊！我当时係非常之嬲，想用某种语言对距啦然后给把距！居然推我老公！没死过啊！当时嘅时间就係18：30分！其实成车人都望住果个女人，如果我係距就即刻落车啦，仲有面係度坐！咁又係面皮厚，扮塞住只耳，无文化、无常识、无礼貌、无家教嘅果个女人！

我本来无心理果个女人，因为河水不犯井水，但係你居然推我老公，我老公仲要唔舒服，我就唔可以唔理！现在呢个社会已经充斥住好多无文化嘅人！

当一个清纯可爱嘅小妹妹踏入咗社会，原本距嘅人生係钱途一片光明，但係2006年2月27日，距嘅世界就完全改变啦！距怀住一般又普通嘅心情去所谓嘅YH咨询公司面试，过咗所谓嘅两关，到咗见一个中国藉中年男人，整天摸住距个唔多有头发嘅脑，然后讲咗一句令到我想给巴距嘅冲动，“你有无学过英文架？”实在太令我感到羞辱啊，枉我学咗咁多年而且一直我都觉得自己嘅英语能力唔错。简直就係侮辱啊！日距！就係咁，呢个小妹妹就咁样入咗呢间公司啦！恶梦先开始啊！

开始嘅时候小妹妹好认真做嘢，唔敢出错，做嘅称职嘅顾问助理。终于有一天，小妹妹要面对大恶魔老板嘅走狗啦，事情源于小妹妹个Head要做“正直”人，唔想冒客人签名，因为距同个客人讲话已经入咗表咁突然叫客人签名就唔想给人骂（咁已经唔係正直啦，讲大话欺骗客人嘅感情）。做大就梗係叫个细去问阿大恶魔啦，我好有礼貌咁敲门问距点解决啦（中间省略咗我来回走动于各间办公室，并且同距解释咗某个问题N次），果条粉肠兼蛋散居然一张纸飞过来我度话“有无搞西错啊，你识唔识啊，唔识就唔好扮识啦，叫你阿Head来搵我！”都唔知道係边个先要发火，我当时好想问距“G，你係唔係聋西咗啊？我答咗你十次啦，正烦西！

原本小妹妹係已经发誓唔讲粗口架啦，点知道给果条扑街搞到果日成日讲啊1破戒啊！本来河水不犯井水，你行你嘅阴间道路，我行我嘅人间道路。天使始终都会被恶魔挑衅啊。我有压力啊！我果日返工，仲没够时间换衫裤，就係度上网啦，够钟啦，去换啦，只走狗行过来话“做咩穿成咁啊，你第一日来做啊？去游水咩”我立即话“我准备去换啊，但係有人换紧！”（P你个K啊，第一日来做咩啊，鸡啊？T加短裤加沙滩鞋有咩问题啊？你都左线搭右线，痴叉咗线！咩都要管）。我已经就以上对话给只走狗讲咗几次啦，“唔好穿球鞋啊，写字楼啊，你第一日来做啊”“仲唔去换衫，咁肉酸”等（唔改，果对係Converse嘅布鞋，Puma嘅休闲鞋，唔係球鞋啊，给D常识啦！阿叔）

如果你问公司所有人对距嘅印象啊？个个都会讲粗口佬，口水佬，擦鞋佬，叫客人吃焦佬，成日无端端、无拉拉骂人，同客人吹水唔摸嘴，讲有色笑话给女同事听，以为自己靓“仔”，无礼貌等啊！讲住咁多先，你哋应该都明白咩叫资本主义啦！